Date : February 25 2009
ന്യൂഡല്‍ഹി: സി.പി.എം. പൊളിറ്റ്‌ബ്യൂറോ അംഗവും ബംഗാളില്‍നിന്നുള്ള രാജ്യസഭാംഗവുമായ സീതാറാം യെച്ചൂരി ലോക്‌സഭയിലേക്ക്‌ മത്സരിക്കാന്‍ സാധ്യത. ഏറെക്കാലമായി സോമനാഥ്‌ചാറ്റര്‍ജിയാണ്‌ ലോക്‌സഭയില്‍ സി.പി.എമ്മിനെ നയിച്ചുകൊണ്ടിരുന്നത്‌. അദ്ദേഹമിപ്പോള്‍ പാര്‍ട്ടിക്ക്‌ പുറത്താണ്‌. ലോക്‌സഭയില്‍ സോമനാഥിന്റെ കുറവ്‌ പരിഹരിക്കാന്‍ കരുത്തനായ ഒരാള്‍ ഉണ്ടാവണമെന്നാണ്‌ സി.പി.എം.കരുതുന്നത്‌.
യെച്ചൂരി ബംഗാളില്‍നിന്നോ സ്വന്തം സംസ്ഥാനമായ ആന്ധ്രയില്‍നിന്നോ ആയിരിക്കും മത്സരിക്കുക. ബംഗാളിലെ ബര്‍ദ്വാന്‍ (ഇപ്പോള്‍ സര്‍ച്ചാന്‍- ദുര്‍ഗാപുര്‍), ആന്ധ്രയിലെ ഖമ്മം എന്നീ മണ്ഡലങ്ങളുടെ പേരാണ്‌ പറഞ്ഞു കേള്‍ക്കുന്നത്‌.
രാധാകൃഷ്‌ണന്‍ പട്ടാന്നൂര്‍
