| » | പ്രിന്റ് എഡിഷന്‍ » | കേരളം » | ലാവലിന്‍ |
Posted on: 12 Nov 2010
കോഴിക്കോട്:
എസ്.എന്‍.സി. ലാവലിന്‍ കരാറുമായി ബന്ധപ്പെട്ട് കാനഡയിലേക്ക് പോയിരുന്ന
വൈദ്യുതി വകുപ്പിലെ ഉന്നത ഉദ്യോഗസ്ഥന്റെ മരണം കൊലപാതകമാണെന്ന് ഈ കേസില്‍
മൊഴിനല്കിയ ചെന്നൈയിലെ മലയാളി വ്യവസായി ദീപക് കുമാര്‍ പറഞ്ഞു. കൊലപാതകം
സംബന്ധിച്ച തെളിവുകള്‍ തന്റെ പക്കലുണ്ടെന്നും അത് സി.ബി.ഐ. കോടതി മുമ്പാകെ
നല്കാന്‍ തയ്യാറാണെന്നും അദ്ദേഹം അറിയിച്ചു. ലാവലിന്‍ കേസന്വേഷണം
വഴിതിരിച്ചുവിടാന്‍ രാഷ്ട്രീയ വൈരങ്ങള്‍ക്കതീതമായി കേന്ദ്രമന്ത്രി
തലത്തില്‍ ശക്തമായ സമ്മര്‍ദം നടക്കുന്നുണ്ട്. കേസിന്റെ അന്വേഷണ
ഉദ്യോഗസ്ഥനെ മാറ്റിയതിനു പിന്നില്‍ ഈ സമ്മര്‍ദമാണ്. കേസന്വേഷണം നടത്തിയ
ചില സി.ബി.ഐ. ഉദ്യോഗസ്ഥര്‍, രാജ്യസഭാംഗങ്ങള്‍ എന്നിവര്‍ക്കെതിരെ
തെളിവുകളും കോടതിക്ക് മുമ്പാകെ ഹാജരാക്കും. രാഷ്ട്രീയ ബന്ധങ്ങള്‍ക്ക്
അതീതമായാണ് കേസില്‍ ഇടപെടല്‍ നടക്കുന്നത്. ഈ സാഹചര്യത്തിലാണ് ചില നിര്‍ണായക
വിവരങ്ങള്‍ നല്കാന്‍ താന്‍ നിര്‍ബന്ധിതനായത് -ദീപക് കുമാര്‍ പറഞ്ഞു.മുന്‍ വൈദ്യുതിമന്ത്രിയും സി.പി.എം. സംസ്ഥാന സെക്രട്ടറിയുമായ പിണറായി വിജയന്റെ സാമ്പത്തിക ഇടപാടുകളെക്കുറിച്ച് പ്രത്യേകാന്വേഷണത്തിനു സി.ബി.ഐ. കോടതി ഉത്തരവിട്ടതിനെത്തുടര്‍ന്ന് മൊഴി നല്കിയ വ്യക്തിയാണ് ദീപക്കുമാര്‍. കേസില്‍ ചോദ്യംചെയ്യപ്പെട്ട ദിലീപ് രാഹുലനെ പ്രതിചേര്‍ത്താല്‍ത്തന്നെ കോടിക്കണക്കിനു രൂപയുടെ അഴിമതി ഇടപാടിനെക്കുറിച്ചുള്ള പൂര്‍ണവിവരം ലഭിക്കുമെന്ന് അദ്ദേഹം അവകാശപ്പെട്ടു. താന്‍ നല്കിയ പല തെളിവുകളും അന്വേഷണോദ്യോഗസ്ഥന്മാര്‍ പരിഗണിച്ചില്ല. അന്വേഷണോദ്യോഗസ്ഥനായ അശോക്കുമാറില്‍ പൂര്‍ണവിശ്വാസമാണ്. പക്ഷേ, ഉന്നതതല സമ്മര്‍ദത്താല്‍ അദ്ദേഹത്തിന്റെ കൈകള്‍പോലും കെട്ടിയിടപ്പെട്ടു.
ദിലീപ് രാഹുലനുമായി തനിക്ക് 20 വര്‍ഷത്തിലേറെയായി സൗഹൃദമുണ്ട്. അതുകൊണ്ടുതന്നെ ദിലീപ് ഇടനിലക്കാരനായി പ്രവര്‍ത്തിച്ച ലാവലിന്‍ കരാറിനെക്കുറിച്ചും അറിയാം. നിര്‍ണായകമായ ചില വിവരങ്ങള്‍ ഇതിനകം അന്വേഷണോദ്യോഗസ്ഥന്മാരോട് വെളിപ്പെടുത്തിയിട്ടുണ്ട്. എന്നാല്‍ ഒമ്പതു മണിക്കൂറോളം നീണ്ട മൊഴിയെടുപ്പില്‍ പറയാന്‍ കഴിയാത്ത കുറേ കാര്യങ്ങള്‍ കൂടിയുണ്ട്. അവ ഇനിയും വെളിപ്പെടുത്താന്‍ തയ്യാറാണ് -ദീപക് കുമാര്‍ 'മാതൃഭൂമി'യോട് പറഞ്ഞു.
ലാവലിന്‍ കേസില്‍ പ്രതി ചേര്‍ക്കപ്പെട്ട രാഷ്ട്രീയ നേതാവടക്കം സംസ്ഥാനത്തെ വിവിധ രാഷ്ട്രീയപ്പാര്‍ട്ടികളിലെ ജനപ്രതിനിധികള്‍ക്ക് ദിലീപ് രാഹുലനുമായി ബന്ധമുണ്ട്. കേരളത്തിലെ മിക്ക വികസനപദ്ധതികള്‍ക്കു പിന്നിലും നടന്ന കോടിക്കണക്കിനു രൂപയുടെ സാമ്പത്തിക ഇടപാടുകള്‍ പരിശോധിച്ചാല്‍ അതു വ്യക്തമാകും. ഉന്നത തലത്തിലുള്ള അഴിമതി പുറത്തുകൊണ്ടുവരണമെന്നാണ് തന്റെ ഉദ്ദേശ്യം. കേസില്‍ മൊഴി നല്കിയശേഷം പലപ്പോഴും വധഭീഷണിയുണ്ടായി. ബുധനാഴ്ച വൈകിട്ടും ഭീഷണിയുണ്ടായി -അദ്ദേഹം പറഞ്ഞു.
ദിലീപിനും മറ്റു ചില രാഷ്ട്രീയനേതാക്കള്‍ക്കും ഭൂമാഫിയയുമായുള്ള ബന്ധത്തെക്കുറിച്ചും തന്റെ പക്കല്‍ വിവരമുണ്ട്. അതും സി.ബി.ഐ. കോടതിയില്‍ തുറന്നുപറയാന്‍ തയ്യാറാണ് -ദീപക്കുമാര്‍ പറഞ്ഞു.
Related News
- ലാവ്‌ലിന്‍ കേസ് തിരുവനന്തപുരം സി.ബി.ഐ. കോടതിയില്‍ (27 Nov, 2011)
- പിണറായി രാജിവെയ്ക്കണം -സി.എം.പി. (01 Apr, 2011)
- ലാവലിന്‍ കേസ്: മുഖ്യമന്ത്രി നിലപാട് വ്യക്തമാക്കണം -ബി.ജെ.പി. (01 Apr, 2011)
- ലാവലിന്‍: സുപ്രീംകോടതിവിധി ആശ്ചര്യകരമെന്ന് പിണറായി (01 Apr, 2011)
- പിണറായിയുടെ ഹര്‍ജി: നടപടി പൂര്‍ത്തിയാക്കിയത് ഒരു മണിക്കൂറിനുള്ളില്‍ (31 Mar, 2011)
- ലാവലിന്‍വിധി സര്‍ക്കാരിനേറ്റ മുഖത്തടി-ഉമ്മന്‍ചാണ്ടി (31 Mar, 2011)
- ലാവലിന്‍: പ്രതിരോധത്തിലൂന്നാന്‍ സി.പി.എം. നിര്‍ബദ്ധമാവും (31 Mar, 2011)
- സുപ്രീംകോടതി വിധി സര്‍ക്കാര്‍ നിലപാടിനുള്ള തിരിച്ചടി- അഡ്വ. ആസഫലി (31 Mar, 2011)
- ലാവലിന്‍: 'ശക്തനായ പാര്‍ട്ടി സെക്രട്ടറി'ക്ക് കനത്ത തിരിച്ചടി (31 Mar, 2011)
- ലാവലിന്‍: പിണറായിയുടെ ഹര്‍ജി സുപ്രീം കോടതി തള്ളി (31 Mar, 2011)
- ലാവലിന്‍ കേസില്‍ ഇടമലയാര്‍ കേസിലെ വിധി ഹാജരാക്കി (25 Feb, 2011)
- ലാവലിന്‍: വിദേശത്തുള്ള പ്രതിയെ പിടികിട്ടാപ്പുള്ളിയാക്കും - സി.ബി.ഐ (25 Feb, 2011)
- ലാവലിന്‍ കേസ്: കമ്പനി മുന്‍ വൈസ് പ്രസിഡന്റിന് വീണ്ടും അറസ്റ്റ് വാറന്റ് (12 Feb, 2011)
- ലാവലിന്‍: പിണറായിക്കു തിരിച്ചടി (04 Feb, 2011)
- ലാവലിന്‍ കേസ് ഇനി പുതിയ ബെഞ്ചില്‍ (04 Feb, 2011)
- സിപിഎം മൗനം: ലാവലിന്‍ വീണ്ടും പുകയുന്നു (06 Jan, 2011)
- ലാവലിന്‍: വിവാദങ്ങള്‍ ഉയര്‍ത്തുന്നത് യാഥാര്‍ഥ്യം മറച്ചുവെക്കാന്‍ -എം.എ. ബേബി (05 Dec, 2010)
- ലാവലിന്‍ കേസില്‍ വഴിത്തിരിവ്, പള്ളിവാസല്‍ പുനര്‍നവീകരണം സി.ബി.ഐ. പരിശോധിക്കുന്നു (05 Dec, 2010)
- ലാവലിന്‍കേസ്: ചന്ദ്രപ്പന് സി.പി.എമ്മിന്റെ മറുപടി (05 Dec, 2010)
- ലാവലിന്‍ കമ്പനിയുടെ കാനഡയിലെ ഓഫീസിലേക്ക് വീണ്ടും സമന്‍സ്‌ (26 Nov, 2010)
- ലാവലിന്‍: പോലീസ് സംരക്ഷണം തേടി ദീപക്കുമാര്‍ മുഖ്യമന്ത്രിയെ കണ്ടു (22 Nov, 2010)
- ലാവലിന്‍: ചന്ദ്രപ്പന്റെ പരാമര്‍ശം എല്‍.ഡി.എഫില്‍ വീണ്ടും രാഷ്ട്രീയപ്രശ്‌നമാകുന്നു (22 Nov, 2010)
- ലാവലിന്‍: പിണറായിയെ ന്യായീകരിച്ച് വീണ്ടും കേന്ദ്രനേതൃത്വം (22 Nov, 2010)
- ലാവലിന്‍ കേസ് സി.പി.എം. ഗൗരവമായി പരിശോധിക്കണം -ചന്ദ്രപ്പന് (22 Nov, 2010)
- ലാവ്‌ലിന്‍ വയലാര്‍ രവിയെ മാറ്റിനിര്‍ത്തി അന്വേഷിക്കണം- ബി.ജെ.പി. (18 Nov, 2010)
- ലാവലിന്‍: ഡിവൈ.എസ്.പി.യെ മാറ്റിയതിനെതിരെ കോടതിയെ സമീപിക്കും (16 Nov, 2010)
- ലാവലിന്‍: വയലാര്‍ രവിയുടെ പേര് വലിച്ചിഴയ്ക്കുന്നതെന്തിന് ? -മുല്ലപ്പള്ളി (14 Nov, 2010)
- ലാവ്‌ലിന്‍: പ്രതികരിക്കാനില്ലെന്ന് വയലാര്‍ രവി (14 Nov, 2010)
- വയലാര്‍ രവിയുടെ രാഷ്ട്രീയപാരമ്പര്യമറിയുന്നവര്‍ ആരോപണങ്ങള്‍ വിശ്വസിക്കില്ല-എം.എം.ഹസ്സന്‍ (14 Nov, 2010)
- ലാവലിന്‍: ദിലീപ് രാഹുലനെ പ്രതിചേര്‍ത്ത് അന്വേഷിക്കണം (13 Nov, 2010)
Tags: Mathrubhumi Newspaper Edition. Kerala, India, Asia, World News. Malayalam
